Viparita Karani (Wato “Daga Kafafu A Bango”): Ga Abinda Wannan Salon Kwanciya Ke Yi Wa Jikin Dan Adam

Wani salon kwanciya da ake kira “Viparita Karani” ya kara daukar hankali a kafafen sada zumunta bayan mutane da dama sun fara bayyana irin amfanin da suke samu daga yin sa na wasu mintuna a rana.

Salon yana nufin mutum ya kwanta sannan ya daga kafafuwansa sama ya jingina su da bango cikin yanayi na nutsuwa da hutu.

Masana lafiya da masu yin yoga sun bayyana cewa wannan hanya na taimakawa jiki da kwakwalwa wajen samun sauki daga gajiya da damuwa.

Ga wasu daga cikin amfanin da ake dangantawa da wannan salon:

• Yana taimakawa wajen rage kumburin kafa da gajiyar jiki
• Yana kara saukin yawo da jini a jiki
• Yana taimakawa wajen rage damuwa da yawan tunani
• Yana sanya kwakwalwa samun nutsuwa da hutu
• Yana taimakawa wajen samun bacci mai dadi
• Yana rage jin nauyi a kafa bayan dogon tsayuwa ko aiki
• Wasu na ganin yana taimakawa wajen samun natsuwar zuciya

Mutane da yawa suna yin wannan salon na mintuna 10 zuwa 20 musamman da dare kafin kwanciya domin samun hutu bayan wahalar yini.

Sai dai masana sun yi gargadi cewa masu fama da wasu matsalolin lafiya kamar ciwon wuya, matsanancin hawan jini ko matsalar ido su tuntubi likita kafin yin sa akai-akai.

Lamarin dai ya dauki hankalin mutane sosai yayin da wasu ke bayyana irin saukin da suka samu daga yin wannan salon a rayuwarsu ta yau da kullum.

Karin Bayani A Nan