YADDA ZAKI GANE KINA DAUKE DA CIKI KO BA KI JE ASIBITI BA

Mata da yawa suna tambayar yadda za su gane ko suna da ciki ba tare da zuwa asibiti ba.

Duk da cewa gwajin asibiti shi ne mafi tabbaci, akwai wasu alamomi na farko da jiki ke nuna wa da za su iya ba ki haske.

1. Tsayawar jinin al’ada (period)

Idan jinin al’adarki ya tsaya ba tare da wani dalili ba, wannan na iya zama alamar ciki, musamman idan kina da jadawalin lokaci mai tsari.

2. Jin tashin zuciya (ama’i)

Wasu mata na fara jin tashin zuciya ko ama’i, musamman da safe. Wannan na daya daga cikin alamomin farko na ciki.

3. Jin kasala da gajiya

Ciki na iya sa mace ta rika jin gajiya sosai ba tare da wani aiki mai nauyi ba.

4. Canjin nono

Nono na iya kumbura ko yin zafi

Launin kan nono na iya canzawa

Jin nauyi a kirji

5. Yawan fitsari

Idan kina yawan jin fitsari fiye da yadda kika saba, wannan na iya zama alama.

6. Jin wari ko ƙamshi ya canza

Wasu mata na fara jin ƙamshi da ƙarfi ko kuma ƙin wasu abinci da suke so a da.

7. Canjin sha’awar abinci

Sha’awar wasu abinci musamman

Ƙin wasu abinci da kika saba ci

8. Ƙananan zafi a ƙasan ciki

Wasu na jin kamar zafin al’ada amma ba tare da jini ya fito ba.

SHIN WANNAN TABBAS NE?

A’a. Wadannan alamomi na iya zama saboda wasu dalilai daban, ba lallai sai ciki ba. Don haka:

ABIN DA YA KAMATA KIYI

Yi amfani da pregnancy test kit idan akwai

Ziyarci asibiti domin gwaji mafi inganci

Tuntuɓi likita idan kina da shakku

Sanin alamomin ciki yana da amfani, amma ba zai maye gurbin gwajin asibiti ba.

Idan kina zargin kina da ciki, hanya mafi kyau ita ce tabbatarwa ta hanyar gwaji domin kare lafiyarki da ta jaririn da ke cikinki.

Danna Nan Don Samun Wasu Sirrikan Ma’aurata Da Soyayya