Gaskiya Ina Son Aure 😭❤️

Ga Abunda Ya Sa Nake Bukatar Aure

Akwai lokacin da mutum yake kaiwa wani mataki a rayuwa inda zuciyarsa bata kara neman wasa ko shirme… sai dai nutsuwa, kulawa da kuma soyayya ta gaskiya.

Gaskiya idan na fada cewa ina son aure, ba wai saboda kawai naga kawayena suna aure bane.

Ba kuma saboda matsin lamba daga mutane bane. Ina son aure ne saboda zuciyata tana bukatar wanda zan kira “nawa”.

Wanda idan na tashi da safe zai tambaye ni:

“Kin yi bacci lafiya?”

Wanda idan ina cikin damuwa zai gane daga yadda na yi shiru kawai.

A yau mutane da yawa suna daukar aure kamar kawai zama tare ne ko posting pictures masu kyau a social media. Amma a zahiri, aure ya wuce haka sosai.

Aure yana nufin samun abokin rayuwa.

Mutumin da zai tsaya tare da kai idan rayuwa tayi wahala.

Wanda zai karfafa maka guiwa idan kowa ya juya baya. Wanda zai zama wurin hutawar zuciyarka bayan gajiyar duniya.

Wani lokaci mutum baya bukatar kudi masu yawa ko kyaututtuka masu tsada… kalmomi masu dadi da kulawa suna iya saka zuciya farin ciki fiye da komai.

Akwai dadi idan kana da wanda zaka kira ka fada masa yadda ranarka ta kasance. Wani da zai saurare ka ba tare da ya gaji ba.

Aure mai kyau yana kawo kwanciyar hankali da nutsuwar zuciya.

Kuma gaskiya… akwai wani irin kadaici da mutum yake ji duk da yana cikin mutane.

Kana iya yin dariya da kowa, amma idan ka dawo daki ka ji babu wanda yake jiranka ko damuwa da yadda kake ji.

Shi yasa wasu daga cikinmu muke son aure ba saboda sha’awa kawai ba… sai saboda muna son soyayya ta gaskiya.

Muna son wanda zai rike hannunmu a lokacin wahala.

Wanda zai kasance tare damu lokacin farin ciki da bakin ciki.

Wanda zai ce:

“Komai ya faru, bazan barka ba.”

Aure ba cikakken rayuwa bane, kuma babu wanda yake perfect.

Amma idan ka samu wanda yake kokarin fahimtarka, girmama ka da sonka da gaskiya… wallahi wannan babban ni’ima ne.

Shi yasa idan wani yace:

“Ina son aure…”

Kada kuyi tunanin rashin hakuri ne kawai.

Wata zuciyar ce kawai take neman nata mutum. 😭❤️

Duba Karin Bayani Anan