Kalolin Ruwa Da Suke Fita Daga Farjin Mata Da Ma’anarsu

Mace na iya lura da wasu nau’ikan ruwa ko danshi da ke fita daga farji a lokuta daban-daban.

Wasu daga cikinsu al’ada ce ta jiki, yayin da wasu na iya nuna akwai matsalar lafiya.

Ga wasu daga cikin nau’ikan da aka fi sani:

1. Ruwa Mai Tsabta Ko Fari

Wannan na iya zama ruwan farji na al’ada. Yawan sa da kaurinsa na iya sauyawa gwargwadon lokacin zagayowar al’ada.

2. Ruwa Mai Zamewa Kamar Farin Kwai

A lokacin da mace ke kusa da ovulation, ruwan farji na iya zama mai tsabta, zamewa kuma ya miƙe kamar farin kwai.

Wannan na iya zama alamar cewa lokacin haihuwa yana kusa.

3. Ruwa Fari Mai Kauri

Wani lokaci ruwa fari mai kauri na iya kasancewa al’ada.

Amma idan yana tare da ƙaiƙayi, kaikayi ko ƙuna, zai iya nuna fungal infection kamar candidiasis.

4. Ruwa Mai Yellow Ko Green

Idan ruwan ya zama rawaya mai ƙarfi ko kore, musamman idan yana tare da wari mara daɗi, ƙuna ko ciwo, ya kamata mace ta nemi shawarar ma’aikacin lafiya saboda yana iya kasancewa alamar infection.

5. Ruwa Mai Wari Mara Daɗi

Wari mai ƙarfi ko mara daɗi, musamman tare da canjin launi ko kaurin ruwa, ba abu ne da ya kamata a yi watsi da shi ba.

Yana iya nuna wata matsalar farji da ke bukatar a bincika.

6. Ruwa Tare Da Jini

Idan akwai jini a wajen lokacin al’ada, musamman idan yana maimaituwa ko yana tare da ciwo, yana da kyau a tuntubi ma’aikacin lafiya domin gano dalilin.

7. Ruwa Bayan Saduwar Aure

Bayan saduwar aure, mace na iya lura da ƙarin danshi ko ruwa.

Wannan na iya kasancewa sakamakon ruwan farji na al’ada ko sauran abubuwan da suka shafi kusancin aure.

Yaushe Ya Kamata A Nemi Taimakon Likita?

Ki tuntubi ma’aikacin lafiya idan ruwan yana tare da:

• Wari mara daɗi sosai
• Ƙaiƙayi ko ƙuna
• Ciwo a ƙasan ciki
• Ciwo yayin fitsari
• Jini ba lokacin al’ada ba
• Canjin launi mai ban mamaki
• Ruwa mai yawa ko canjin da ya ɗauki lokaci

Muhimmin Abu

Ba duk ruwan da ke fita daga farjin mace ba ne yake nuna rashin lafiya.

Launi, wari, kauri, yawan ruwa da sauran alamomin da ke tare da shi su ne ake dubawa wajen fahimtar abin da ke faruwa.

Idan kuma tambayar ta shafi hukuncin tsarki da sallah, hukuncin na iya bambanta gwargwadon irin ruwan da ya fita;

saboda haka yana da kyau a bambanta tsakanin ruwan farji, fitsari, haila da ruwan da ke da alaƙa da sha’awa.

Duba Wasu Muhimman Sirrikan A Nan