Dalilin Zubar Miyau Lokacin Barci: Ga Abin da Ya Kamata Ka Sani

Shin kana tashi daga barci ka ga miyau ya zubo a gefen bakinka ko kan matashin kai? Kada ka damu nan take.

Zubar miyau yayin barci abu ne da ke faruwa ga mutane da yawa, kuma sau da yawa ba ya nufin akwai wata babbar matsalar lafiya.

Ga wasu daga cikin dalilan da kan jawo hakan:

1. Yadda kake kwanciya

Idan mutum yana kwanciya gefe ko ciki, miyau na iya taruwa a baki sannan ya zubo cikin sauƙi saboda yanayin kai da baki.

2. Barci mai nauyi

Lokacin da mutum yake cikin barci mai zurfi, tsokokin baki da haɗiye ba sa aiki kamar yadda suke yi lokacin da mutum yake farke. Hakan na iya sa miyau ya fita daga baki.

3. Cunkoson hanci

Idan hanci ya toshe saboda mura, allergy ko sinus, mutum kan fara numfashi ta baki yayin barci. Wannan na iya ƙara yiwuwar zubar miyau.

4. Yawan samar da miyau

Wasu mutane suna samar da miyau fiye da wasu. Wasu magunguna ko wasu matsalolin lafiya ma na iya ƙara yawan miyau.

5. Kura ko matsalar numfashi yayin barci

A wasu mutane, kura sosai ko wasu matsalolin numfashi yayin barci na iya kasancewa tare da zubar miyau.

Shin zubar miyau yayin barci yana da illa?

A mafi yawan lokuta, ba shi da illa. Idan yana faruwa lokaci-lokaci kuma babu wasu alamomin rashin lafiya, yawanci ba abin damuwa ba ne.

Yaushe ya kamata a nemi shawarar likita?

Idan zubar miyau ya fara faruwa sosai ba zato ba tsammani, ko yana tare da:

• Wahalar haɗiye
• Wahalar numfashi
• Kumburin fuska ko baki
• Matsalar magana
• Kasala ko rauni a wani ɓangaren jiki
• Yawan shakewa yayin barci
• Kura mai tsanani da tsayawar numfashi yayin barci

to yana da kyau a tuntubi ma’aikacin lafiya domin gano dalilin.

Zubar miyau yayin barci ba lallai yana nufin rashin lafiya ba. Yadda mutum yake kwanciya, barci mai nauyi, toshewar hanci da numfashi ta baki na daga cikin abubuwan da za su iya jawo shi.

Idan yana faruwa akai-akai tare da wasu alamomi, binciken likita zai taimaka wajen gano ainihin dalilin.

Tambaya: Kai ma kana tashi daga barci ka ga miyau ya zubo a kan matashin kai?

Duba Wasu Sirrrikan A Nan