Wannan Labarin Zai Zama Izina Ga Wasu Mata

Na Rasa Budurcina a Banza

Na yi shekaru goma ina soyayya da wani saurayi. A hankali ya fara taɓa jikina, daga baya har muka fara zuwa otal, yana amfani da ni yadda yake so.

A duk lokacin da na tambaye shi game da aure, kullum yana tabbatar min cewa zai aure ni.

Na yarda da shi saboda na gaskata kalamansa.

Sai dai daga baya na ji labarin cewa ya yi aure. Ban nuna masa na sani ba, amma abin da ya fi bani mamaki shi ne, har bayan aurensa yana ci gaba da kirana yana roƙona mu ci gaba da haɗuwa a otal.

A gaskiya abin yana damuna sosai. Amma idan na yi ƙoƙarin rabuwa da shi, sai in tuna irin kuɗin da yake bani, hakan ya sa nake kasa yanke alaƙar.

Yanzu shekaru sun fara tafiya, na rasa budurcina, kuma mutumin da na sadaukar da komai dominsa ya daina kula da ni.

Na rage da nadama kawai.

Yau ina kira ga ‘yan uwana mata da su ɗauki darasi daga abin da ya same ni.

Kada ku yarda da alkawuran ƙarya ko kuma ku sadaukar da mutuncinku saboda kuɗi ko kalaman soyayya.

Mutumin da yake sonki da gaske zai zo ta halal, ya nemi aurenki cikin mutunci.

Yanzu zuciyata cike take da nadama. Wace shawara za ku ba ni?

Tambaya ga masu karatu: Idan kai ne ko ke, wace shawara za ka ba wannan budurwa?

Duba wasu sirrikan anan