KO KINSAN ZAKI IYA SAMUN CIKI BA TARE DA ANYI JIMA’I BA?

KO KINSAN ZAKI IYA SAMUN CIKI BA TARE DA ANYI JIMA’I BA?

A yau kimiyyar lafiya ta kawo hanyoyi daban-daban da suke taimakawa ma’aurata wajen samun haihuwa, musamman ga wadanda suke fuskantar matsalar rashin samun ciki.

Daya daga cikin hanyoyin da suka shahara ita ce IVF, wato hanyar hada ƙwayar halitta ta mace da maniyyi a dakin gwaje-gwaje kafin a mayar da amfrayo cikin mahaifa.

Mutane da dama suna mamakin yadda mace za ta iya samun ciki ba tare da an yi jima’i ba, amma IVF na daga cikin hanyoyin da hakan ke yiwuwa ta hanyar fasahar likitanci.

Kar a manta da sharing domin sauran mutane su amfana.

Menene IVF?

IVF wata hanya ce ta kimiyya da ake amfani da ita domin taimakawa ma’aurata masu matsalar haihuwa.

Ana hada ƙwayar halittar mace da maniyyi a wajen jiki, sannan idan an samu amfrayo sai a mayar da shi cikin mahaifar mace.

Wadanne Matakai Ake Bi Wajen Yin IVF?

1. Gwajin Jini

A farkon al’ada, likitoci kan yi gwajin jini domin duba lafiyar mace da yadda hormones dinta suke aiki.

2. Amfani Da Magungunan Kara Samuwar Kwai

A rana ta biyu ko ta uku ta al’ada, mace za ta fara amfani da wasu magunguna domin kara samar da ƙwayayen haihuwa masu yawa.

3. Allurar Hormone

Da zarar ƙwayayen sun fara girma yadda ake bukata, za a yi wata allura da ke taimakawa wajen fitar da ƙwayayen domin a samu damar kwasowa.

4. Kwason Ƙwayayen Haihuwa

Bayan wasu sa’o’i bayan allurar, likita zai cire ƙwayayen ta hanyar amfani da wata siririyar allura cikin tsari na musamman.

5. Samun Maniyyi

A ranar da za a kwaso ƙwayayen, ana karɓar maniyyi daga miji domin amfani da shi wajen hada amfrayo.

6. Hada Maniyyi Da Ƙwayar Haihuwa

A dakin gwaje-gwaje, ana hada maniyyi da ƙwayar haihuwa domin samun amfrayo. A wasu lokuta kuma ana amfani da fasahar ICSI domin taimakawa idan maniyyin ba shi da ƙarfi.

7. Mayar Da Amfrayo Cikin Mahaifa

Bayan kwanaki uku zuwa biyar, idan amfrayo ya samu lafiya, za a mayar da shi cikin mahaifar mace domin ya ci gaba da girma.

8. Gwajin Ciki

Bayan makonni biyu, za a yi gwajin ciki domin tabbatar da ko an samu nasara.

IVF wata babbar hanya ce ta kimiyya da ta taimakawa ma’aurata da dama wajen samun haihuwa.

Duk da cewa hanya ce mai tsawo kuma tana bukatar kulawar likitoci, tana bada fata ga masu fama da matsalar rashin haihuwa.

Yana da kyau ma’aurata su nemi shawarar ƙwararrun likitoci kafin fara wannan hanya domin samun cikakken bayani da kulawa.

Allah ya ba duk masu neman haihuwa ikon samun zuri’a ta gari.

Domin Karin Bayani